Howard Gardner: Frames of Mind, nokkrir punktar....

Spurningin er ekki hversu greint fólk er, heldur hvernig greind þess er háttað.
Fjölgreindarkenning Gardners byggir á fræðilegum grunni um að hver greind eigi sitt svæði í heilanum.
Ofvitar geta til dæmis verið afburðamenn á einu sviði en algjörlega vanmáttugir á öðru. Greind þroskast mishratt, tónlistargreindin fyrst en rök- og stærðfræðigreindin síðar.

1. Málgreind: Hæfni til að skilja reglur, skipan og merkingu orða. Hæfin til að læra tungumál og nýta sér það munnlega og skriflega.  Ræðumenn, Lögmenn, Stjórnmálamenn, rithöfundar. 
2. Rök- og stærðfræðigreind: Hæfni til að átta sig á tölulegum tengslum, mynstrum, staðhæfingum og yrðingum. Hæfni til að nota tölur  og formúlur.  Stærðfræðingar, Málfræðingar, Vísindamenn.
3. Rýmisgreind: Hæfni til að skynja hið sjónræna, rúmfræðilega umhverfi og umskapa þá skynjum. Hæfileiki til að þekkja og skapa rými í huganum. Hæfni til að sjá tengsl hluta og hlutföll í rúmi. (Listamenn og Arkitektar)
4. Líkams- og hreyfigreind: Hæfni til að nota líkamann  eða hluta hans til að skapa hluti og leysa vandamál. Sterk tenging milli hugar og handa. Íþróttafólk, leikarar, myndhöggvarar. 
5. Tónlistargreind; Hæfnin til að nema takt, tónhæð og hljómblæ tónverks, semja og skapa tónlist. Tónskáld og hljóðfæraleikarar.
6. Samskiptagreind: Hæfni til að lesa í skap , lunderni, áhuga og tilfinningar annarra og bregðast rétt við mismunandi vísbendingum í samskiptum. Eiga auðvelt með að vinna með öðrum.  Ráðgjafar og stjórnmálaleiðtogar.
7. Sjálfsþekkingargreind: Hæfni til að greina á milli tilfinninga sinna og tjá þær, þekkja sjálfan sig, styrk sinn og veikleika. Siðgæðiskenndin...Sálgreinar og trúarleiðtogar.
8. Umhverfisgreind: Hæfni til að greina og þekkja náttúruna. Dýr og jurtir ásamt sínu nánasta umhverfi. Líffræðingar, náttúrufræðingar, bændur.

 Lykilatriði: Hver einstaklingur býr yfir hæfni á öllum sviðum greindanna en umhverfisþættir geta haft hamlandi eða styrkjandi áhrif.  Mikilir möguleikar að styrkja mismunandi greindarþætti, styrkja það sem þau hafa og efla einnig þá veikari.
Börn sem alast upp í sveit þroska aðra greindarþætti en borgarbörnin sem fara oftar í leikhús og á tónleika...

Við metum nemendur okkar með símati, þ.e. með því að fylgjast marvisst með þeim og skrá niður hvernig þeir vinna og haga sínu námi. Þannig  er unnt að fá hugmynd um hvar styrkur þeirra liggur og leggja áherslu á hann. Annar möguleiki er að kenna þeim fjölgreindarkenninguna og spyrja þau síðan sjálf hvaða aðferðir henti þeim best við lærdóm. Það má til dæmis gera með nemendur í skólaráði sem ákvarða stefnuna með öðrum starfsmönnum skólans og foreldrum. Þá má líka skoða verkefni þeirra og sjá þannig hvar styrkurinn liggur.

Tungumálanám er skapandi ferli og lærist best með því að nota það á skapandi hátt. Við viljum setja fram kenningu um að því fyrr sem börn læra tungumál og því fleiri tungumál sem þau læri, því auðveldara verði þeim allt nám.

Samkv. Learning  by Doing/ Æfingin skapar meistarann.
 Besta leiðin til að þróa hæfileika sína er að æfa sig  verklega- skíða, elda, skrifa. Það að temja sér gagnrýna  hugsun eða leysa stærðfræðiformúlur... er ÆFING; ekki hlusta á fyrirlestur um hvernig á að gera hlutina heldur æfa sig, prófa eitthvað og sjá hvernig það virkar, ef ekki prófa eitthvað annað...Active Learning...

Margar góðar greinar hafa birst um þetta í erl tímaritum, m.a. How Young Children Learn English as Another Language / Opal Dunn Educational Consultant and Author.

...Börn sem fá tækifæri til að læra annað tungumál meðan þau eru enn mjög ung nota sömu aðferð við að ,, pikka upp “ tungumálið og þau gerðu með sitt móðurmál. Þau virðast nota máltökuferlið áfram á annað, ....? þriðja...fjórða...tungumálið???
Ung börn nota hlutverkaleiki og/eða sína leiki við að taka upp nýtt tungumál. Þau gera það einnig með því að taka þátt í starfi fullorðinna. Þau byrja á að átta sig á aðstæðum, hvað er að gerast og ná síðan málskilningi með samskiptum sínum við fullorðna.
Ung börn hafa meiri tíma til að nota tungumálið í daglegum athöfnum sínum á meðan skólar fylla stundaskrána og festa hugann í ákveðin ramma sem ekki er leyfilegt eða hægt að fara úr vegna þess að það miðast allt við að vega og meta árangur í tölum og staðreyndum.
Ung börn læra tungumál með annarri nálgun en beinlínis að ,,læra” það eins og eldri börn og fullorðnir gera. Þar af leiðir að þau ná betri framburði og málvitund þeirra er sterkari, bæði fyrir tungumálinu og menningunni á bak við það. Eftir því sem eintyngd börn verða meðvitaðri um sig sjálf og einstaklingsvitund þeirra eykst, verða þau hégómlegri og hræddari við að tjá sig á öðrum tungumálum og þau strita við að læra tungumál á málfræðireglum. Því yngri sem þau byrja að nota tvö tungumál , því betra!