Loksins erum við mætt aftur til starfa, eftir páskafrí. Fjörugur hópur nemenda átti skemmtilegan dag með kennurum, en við fórum í fjöruferð til Stokkseyrar. Þar beið okkar heill ævintýraheimur sem við nutum í veðurblíðunni. Við fundum m.a. sílapoll sem vakti hrifningu krakkanna, enda gaman að fylgjast með sílunum skjótast til og frá.  Við héldum til baka með góðan fjársjóð af skeljum, kuðungum og fleira úr fjörunni. Hugmyndin er svo að hreinsa og þurrka efniviðinn, en síðan ætlum við að nýta hann í  listaverk um fjöruna.

Næst þegar hópurinn mætir verður indverski listamaðurinn Baniprosonno með krökkunum og leiðir þau um undraveröld frjálsar listsköpunar.

Mán. 20/4, kl. 15-16:30  Froskar á Íslandi

Þri. 21/4, kl. 15-16:30  Umbreyting hluta

Mán. 27/4, kl. 15-16:30 Ég teikna, þú málar

Þri. 28/4, kl. 15-16:30  Skordýraljós

Takk fyrir daginn og góða skemmtun hjá Baniprosonno!

Við HUXum fallega til ykkar :)